Dear Unaute aw,.... ZoFoods ineih tam theih ding pen 2012 Zomi Nam Ni tatak teh a thak in a kipulaak nuam hi hang,.... Zogam mun pawlkhat bang ah Tuma Kum 100 laipek aa Pute, Pate Anneek daan mah in kilamdang het lo in An kine lai hi. Tu khang in kidang zo naikei mawk leh bang cih ding? Anneek bawl daan tawh kisai in Zomite'n ih Ngaihsut kul pha mahmah ta ding cih iphawk thak thu hi.
Na Upkeileh Nang mahmah vapai in va en mah lecin Khual le tual ah Vaimim pen Sump sung ah a suk khit teh huan ding loh ngaal Anneek bawldaan ding tampi a theinai het lo pen kitamlai lua lel mawk hi. Akhangto zaw deuh te Gamdang tung in Anlim ane pawl in i phawkpih den khol kei kha mai thei hi. Gospel paina tawh Zogam Khuapi, Khuaneu tampi ka nawk khakna ah Ih Anneek - Vaimimciim huandan pen kilamdang het lo in khuakim in a huandan uh kibang kim lel mawk hi. Lam khat pan ngaihgsun kik leng namdangte anhuan daante tawh ngaihsun kak leng Dahhuai sim gige hi hang,...
Gentehna in Vaimim ih suk khat pen Moh in bawl in Ne leng Ni 3 bang kikhom thei bek tham lo in limzaw kha thei lai ding hi zen hi. Vitamin om zaw ding,... Cidamna tawh kituak zaw ding,... thamlo in Annemh zaw lai zen ding hi.
Gam khangto te pawl khat bang ah Vaimim a neek zawh loh khak ding uh pen lung hi mawh mahmah uh aa,... ahizong en duhzahzah in kinethei lai ci leng lamkhat pan Pasian Thupha a sang hi hang,.. Zat siam kisin dih leng bang a ci diam,... hi pen Khat bek hanciamna tawh piang lo kha mah ding hi,... Ih vekpi in Hanciam khawm in ih sin pilna,.. Ih Siamnate gawmkhawm in Mapang khawm hi zen leng,... Zogam leh Zomi Kumza lom thak aa ding in Maban hoih mahmah khat mainawt khawm zo thei ding hi hang cih deihna lianpi ih neih mah bang in ngaihsutna te gawmkhawm in maban limci mapang khawm ni.
Zo Laukha Paalluun ding hi. Nun bang nuam aw Zogam Lei ah,.........
Joshua Thang, Th.M
Bangalore, India
No comments:
Post a Comment